Аудитын хуулийн этгээдийн захирлуудын анхааралд

2020-09-17

Үндэсний аудитын газраас аудитын хуулийн этгээдүүдийн удирдлагуудад зориулсан сургалт семинар, санал солилцох уулзалтыг  2020 оны 9 дүгээр сарын 18-ны өдрийн 14:00-17:00 цагийн хооронд зохион байгуулах тул та бүхнийг хүрэлцэн ирэхийг урьж байна.

ЗӨВЛӨХ СОНГОН ШАЛГАРУУЛАХ УРИЛГА

2020-09-11

Үндэсний Аудитын газраас “Концессын “барих-шилжүүлэх” төрлөөр хэрэгжсэн “Аглаг бүтээлийн хийд хүртэлх 6.2 км авто зам барих” төслийн хүрээнд гүйцэтгэсэн ажлын тоо хэмжээ, баригдсан авто замын техник ашиглалтын түвшин, чанар байдалд  дүгнэлт гаргах” зөвлөх үйлчилгээг үзүүлэх гүйцэтгэгчийг гэрээ шууд байгуулах аргаар сонгон шалгаруулах гэж байгаа тул дараах баримт бичгийг бүрдүүлэн ирүүлнэ үү.

ЗӨВЛӨХ СОНГОН ШАЛГАРУУЛАХ УРИЛГА

2020-09-11

Үндэсний Аудитын газраас “Концессын “барих-шилжүүлэх” төрлөөр хэрэгжсэн “Аглаг бүтээлийн хийд хүртэлх 6.2 км авто зам барих” төслийн зураг, төсөл, төсвийн гүйцэтгэлд дүгнэлт гаргах” зөвлөх үйлчилгээг үзүүлэх гүйцэтгэгчийг гэрээ шууд байгуулах аргаар сонгон шалгаруулах гэж байгаа тул дараах баримт бичгийг бүрдүүлэн ирүүлнэ үү.

САНХҮҮГИЙН ТАЙЛАНД АУДИТ ХИЙХ ХУУЛИЙН ЭТГЭЭДИЙН АЖЛЫН ГҮЙЦЭТГЭЛИЙГ ХЯНАХ, ҮНЭЛЭХ, БАТАЛГААЖУУЛАХ ЖУРАМ

2020-07-10

Төрийн аудитын тухай хуулийн 8 дугаар зүйлийн 8.7-т заасныг үндэслэн “Санхүүгийн тайланд аудит хийх хуулийн этгээдийн ажлын гүйцэтгэлийг хянах, үнэлэх, баталгаажуулах журам”-ыг боловсруулсан ба аудитын хуулийн этгээдийг хуульд заасан журмын дагуу сонгон шалгаруулах бөгөөд аудитын хуулийн этгээдийн ажлын гүйцэтгэлийг хянах, үнэлэх, баталгаажуулахтай холбоотой харилцааг тус журмаар зохицуулсан болно. Энэхүү журмын төсөлд Захиргааны ерөнхий хуулийн 62 дугаар зүйлийн 62.1, 62.4.3-т заасны дагуу нээлттэй санал авч байна. Иймд журмын төсөлтэй холбоотой саналаа 2020 оны 08 дугаар сарын 10-ны өдрийн дотор Үндэсний аудитын газарт enkhjinb@audit.gov.mn хаягаар ирүүлнэ үү. Үндэсний аудитын газар 

“Нөлөөллийн мэдүүлэг хөтлөх журам”-ын төслийг танилцуулж байна.

2020-07-10

Төрийн аудитын тухай хууль /шинэчилсэн найруулга/-ийн 39 дүгээр зүйлийн 39.2-т заасныг үндэслэн энэхүү журмыг боловсруулсан бөгөөд Төрийн аудитын байгууллагын албан хаагч нь аудит хийх явцад тухайн аудитын үр дүнтэй холбоотой бусад этгээдээс шууд болон шууд бусаар нөлөөлөх гэсэн аливаа оролдлогыг “Нөлөөллийн мэдүүлэг”-ээр Монгол Улсын Ерөнхий аудиторт мэдэгдэх болон тухайн мэдүүлгийг хэрхэн шийдвэрлэх, нийтэд мэдээлэх, хадгалахтай холбоотой  харилцааг уг журмаар тус тус зохицуулсан болно.

Монгол Улсын Их Хурлын сонгуульд оролцож байгаа нам, эвсэл, нэр дэвшигч сонгуулийн зардлын тайлан гаргах, зардлын тайланд аудит хийх, хянах, дүнг нийгэмд мэдээлэх, танилцуулах журам

2020-05-27

Монгол Улсын Их Хурлын сонгуулийн тухай хуулийн 58 дугаар зүйлийн 58.2.5-д заасан эрх, үүргийн хүрээнд "Монгол Улсын Их Хурлын сонгуульд оролцож байгаа нам, эвсэл, нэр дэвшигч сонгуулийн зардлын тайлан гаргах, зардлын тайланд аудит хийх, хянах, дүнг нийтэд мэдээлэх, танилцуулах журам" боловсруулан баталж, Захиргааны хэм хэмжээний актын улсын нэгдсэн санд бүртгүүлэв.

МОНГОЛ УЛСЫН ИХ ХУРЛЫН 2020 ОНЫ ЭЭЛЖИТ СОНГУУЛЬД ОРОЛЦОХ БИЕ ДААН НЭР ДЭВШИГЧДИЙН МӨРИЙН ХӨТӨЛБӨРТ ХИЙСЭН АУДИТЫН ДҮГНЭЛТ ГАРЛАА

2020-05-22

  Нийт 208 иргэнээс ирүүлсэн мөрийн хөтөлбөрийг хүлээн авсан. Үүнээс 7 иргэн мөрийн хөтөлбөрөө өөрийн хүсэлтээр буцаан авснаар 201 мөрийн хөтөлбөрт аудит хийж 121 иргэний мөрийн хөтөлбөрт хуульд заасны дагуу холбогдох дүгнэлт гарган буцаасан.